Supervishon ACM riba pòst i telekomunikashon na Hulanda karibense

Desde 2013 ACM huntu ku Agensia di Telekomunikashon (Agentschap Telecom) ta responsabel pa ehekushon i supervishon di asuntunan di telekomunikashon na Hulanda Karibense a base di e Lei Fasilidatnan di telekomunikashon BES (Wet Telecommunicatievoorzieningen BES). ACM ta vigilá si di parti di kompanianan di telekomunikashon ta kumpli ku stipulashonnan di e pèrmit i ta resolvé disputanan entre ofresedónan di telekomunikashon, pero ta vigilá tambe konstrukshon, mantenshon i si ta deshasí di infrastruktura di telekomunikashon (obligashon pa tolerá) i uso di numbernan.

E responsabilidat pa dunamentu di frekuensia i supervishon riba kondishonnan tékniko ku ta mará na uso di frekuensianan, ta den man di Agensia di Telekomunikashon.

ACM ta supervisá tambe si ta kumpli ku e reglanan riba merkado di pòst. Flamingo Express Dutch Caribbean ta e transportadó di pòst na Hulanda Karibense. Tin servisionan di mensahero aktivo tambe. ACM ta vigilá ku partidonan ta tene nan mes na e stipulashonnan di e pèrmit. Pa Flamingo ta konta por ehèmpel stipulashonnan tokante kuantu ta dura pa kosnan di manda pa pòst yega na i entre e islanan. Tambe ACM ta vigilá pa no tin kompetensia ilegal den e servisionan ku ta reservá pa Flamingo.

Bo tin pregunta tokante pòst òf telekomunikashon na Hulanda Karibense?

Pa pregunta tokante pòst òf telekomunikashon na Hulanda Karibense tuma kontakto ku Bureau Telecommunicatie en Post.

Postbus 16326
2500 BH Den Haag
Nederland

E-mail: TelecomPostCN [at] acm [punt] nl.