Acm.nl gebruikt cookies om het gebruik van de website te analyseren en het gebruikersgemak te verbeteren. Lees meer over cookies

Supervishon ACM riba elektrisidat i awa di bebe na Hulanda karibense

Den kaso di supervishon di koriente i awa di bebe na Hulanda Karibense ACM ta buska un balanse entre tres interes:

  1. Koriente i awa di bebe mester ta pagabel
  2. Suministro di koriente i awa di bebe mester ta konfiabel
  3. Produkshon di koriente i awa mester ta duradero.

Mantené interesnan den balanse

Tin bes e interesnan pa koriente i awa di bebe pagabel, konfiabel i duradero no ta kuadra ku otro. Ta tarea di ACM pa trese e interesnan akí den balanse ku otro.

Un ehèmpel: ret konfiabel versus tarifanan mas haltu

Pa suministro konfiabel di koriente i awa di bebe kompanianan di koriente i awa di bebe mester invertí den nan ret. E invershonnan akí ta kosta plaka ku e kompanianan eventualmente lo kier gana bèk pa medio di tarifanan mas haltu pa konsumidó.

Un otro ehèmpel: stabilidat di e ret di energia

Ta duradero pa usa koriente for di panela di solo òf turbina di bientu. Pero si tin muchu panela di solo, un nubia dilanti di solo por kondusí na instabilidat di e ret. Pa hasi e ret mas stabil kisas mester di èkstra invershon.

Den tipo di ehèmpelnan asinaki ACM ta buska un balanse hustu entre pagabel, konfiabel i duradero.

Traha ku tres preguntanan

ACM ta traha ku un representashon lokal na Hulanda Karibense. Funshonarionan di ACM ta bai duna e legislashon un kontenido mas spesífiko a base di e situashon lokal na Boneiru, Sint Eustatius i Saba. Pa ehersé e lei nos ta konsentrá konkretamente riba tres pregunta. E tres preguntanan ei ta:

  1. Kiko ta tarifanan rasonabel pa koriente i awa di bebe pa konsumidó- i kompanianan?
  2. E kompanianan di koriente i awa di bebe tin kondishonnan rasonabel?
  3. E kompanianan di koriente i awa di bebe ta finansieramente salú?

Repartishon di tarea ku Inspekshon Medioambiente i Transporte

ACM no ta responsabel pa konfiabilidat di suministro di koriente i awa di bebe. Esaki ta kai bou di responsabilidat di Inspekshon Medioambiente i Transporte (ILT).
Esei ta nifiká ku e Inspekshon ei ta midi kalidat di e awa di bebe, manera puresa i sabor. I ta kontrolá si e suministro di koriente, manera tenshon di e ret, ta na òrdu.
Bo tin pregunta tokante konfiabilidat di suministro di koriente i awa di bebe? Tuma kontakto ku ILT.

Repartishon di tarea ku Inspekshon Medioambiente i Transporte

ACM no ta responsabel pa konfiabilidat di suministro di elektrisidat i awa di bebe. Esaki ta kai bou di responsabilidat di Inspekshon Medioambiente i Transporte (ILT).

Esei ta nifiká ku e Inspekshon ei ta midi kalidat di e awa di bebe, manera puresa i sabor. I ta kontrolá si e suministro di elektrisidat, manera tenshon di e ret, ta na òrdu.

Bo tin pregunta tokante konfiabilidat di suministro di elektrisidat i awa di bebe? Tuma kontakto ku ILT.