Na Boneiru, Sint Eustatius i Saba

Boneiru, Sint Eustatius i Saba

Na Boneiru, Sint Eustatius i Saba mayoria di biaha tin otro lei na vigor ku na Hulanda oropeo. Pa trabou di ACM tin leinan spesial na vigor pa supervishon di e siguiente sektornan:

English Nederlands

Kiko ta ACM?

Outoridat Konsumidó i Merkado (Autoriteit Consument & Markt) ta parti di gobièrnu hulandes. Komo supervisor independiente nos ta sòru pa kompanianan na Hulanda kompetí di un forma honesto ku otro i nos ta protegé interes di konsumidónan.

Kontakto ku nos hendenan

Bo tin pregunta pa nos hendenan? E ora ei bo por yama òf meil nan.

Marga Buys-Trimp

Telefon: +599 715 85 08
Selular: +599 781 00 84 òf +31 6 310 35 865
E-mail: Marga.Buys-Trimp@acm.nl

Laurens Jörg

Telefon: +599 715 83 83
Selular: +599 781 02 81 òf +31 6 310 35 837
E-mail: Laurens.Jorg@acm.nl

 
 
 
 
 

Método pa establesé tarifanan pa na Hulanda Karibense 2017 - 2019

Den e método aki ACM ta establesé kon e ta determiná e tarifanan pa awa di bebe i koriente na Boneiru, Sint Eustatius i Saba. ACM tin e tarea aki a base di e lei di koriente i awa di bebe BES, ku a drenta na vigor riba 1 di yüli 2016.

Lesa e kompilashon di e desishon

Keda na altura

Bo ke risibi outomátikamente email tokante supervishon na Boneiru, Sint Eustatius i Saba? Bo por mèldu pa nos servisio di email. Skohe e tópiko  ‘Caribisch Nederland’ i skohe kuantu biaha bo ke risibí un mensahe.

Nos servisio di email

Laurens Jörg

Legal counsel

""

Laurens Jörg (1975) ta un hurista ku eksperensia i e ta biba for di fin di 2015 ku su famia na Boneiru. Huntu ku Marga Buys e ta atendé pa ACM ku supervishon di legislashon spesial pa Hulanda Karibense riba tereno di suministro di koriente i awa di bebe.

Pa Laurens kooperashon ta un palabra klave: “Kooperashon ku habitantenan di Boneiru, Sint Eustatius i Saba ta ofresé oportunidat na abundansia pa siña di otro i yuda otro na kaminda. Naturalmente e situashon entre e tres islanan ta difersiá bastante. P’esei gustosamente nos ke ta den kontakto estrecho ku e habitante- i kompanianan. Asina so nos ta haña un bon bista di e situashon lokal i nos por hasi nos trabou bon. E reto ei ta inspirá mi.”

Laurens ta traha for di 2009 den diferente funshon na ACM. Promé ku esei el a traha mas ku ocho aña serka un kolegio atministrativo i e tabata afiliá na universidat di Utrecht.

Marga Buys-Trimp

Regulatory expert

Marga Buys-Trimp (1982) ta un ekonometrista ku eksperensia i e ta biba for di mei 2015 ku su famia na Boneiru. Huntu ku Laurens e ta atendé pa ACM ku supervishon di legislashon spesial pa Hulanda Karibense riba tereno di suministro di koriente i awa di bebe.

For di prinsipio Marga tabata embolbí ku e lei Koriente i Awa di bebe BES (wet Elektriciteit en Drinkwater BES): “Mi ta realisá mi mes ku e situashon na Boneiru, Sint Eustatius i Saba ta totalmente diferente ku  Hulanda oropeo. Kiko ta tarifanan rasonabel? Kon nos ta tene e kompanianan di awa di bebe i koriente finansieramente salú? Gustosamente mi ta tuma e reto pa huntu ku tur esnan konserní pone e lei akí den práktika. Naturalmente nos tin diferente punto di salida, pero gustosamente mi kier wak unda nos por topa otro. Tur hende ta probechá si suministro di koriente i awa di bebe ta bon reglá.”

Marga ta traha for di 2008 na ACM den diferente funshon. Promé ku esei e tabata traha komo consultant.

 
 
 
 
 
 
 
 
 

Page options